CAGAYAN DE ORO CITY-Balhog na sa presohan ang upat ka drugista nga nadakpan sa anti-illegal drug buy bust operation didto sa Phase-2 Brgy Lumbo, Valencia City Bukidnon.
Giila ni Sr/Insp Felipe Yap sa Valencia Police Station ang mga nadakpan nga sila Rosario Batonghinog, 51 anyos, minyo, Jastine Batonghinog 21 anyos, ulitawo ug Jhunrey Flores 18 anyos ,ulitawo ug pulos molopyo sa maong lugar.
Sikop usab ang usa ka Rogen Concha 33 anyos,minyo ug residente sa Purok 4,Poblacion,Valencia City.
Nakuha sa mga suspek ang usa ka pakete nga gitoohang shabu ang sulod, laing duha ka dakong pakete sa shabu, 1 lighter, 1 improvised alum foil neddle,1pc plastic case color green, 1 pc improvised tooter tube nga dunay shabu residue, ug ang P500 ng marked money.
Gibana-bana nga muabot sa 0.6 gramos sa shabu ang nakompiskar gikan sa upat ka mga dinakpan.Ning adlawa, ipasaka ang kaso batok sa mga suspek.
