CAGAYAN DE ORO CITY-Detinado ang upat ka drug pushers ang nadakpan sa mga personahe sa Philippine Drug Enforcement Agency o PDEA-10 sa ilang sunod-sunod nga operasyon sa syudad.
Gibutyag ni PDEA Misamis Oriental team head agent Ken Cardona nga tulo ka tigpayuhot sa illegal nga druga nga gilakipan sa usa ka estudyante ang ilang nadakpan diha sa Brgy Bulua ning syudad nga sila si
John Patrick Quinto, Mark Kevin Sabacajan ug Roden Ancajas Jr.
Nakuha sa ilang posisyon ang tulo ka sachet sa gitoohang shabu.
Samtang, naaresto usab sa PDEA-10 kauban ang kapolisan sulod sa usa hotel diha sa Yacapin-Velez St ang drug pusher nga si Morphie Arrabi Odel, usa ka Maranao-Muslim ug residente sa Zamboanga del Sur.
Narekober sa iyang posisyon ang 25 ka gramos sa suspected shabu diin may balor P125-mil.
Dugang ni Cardona nga tulo ka bulan nila nga gimonitor ang illegal nga kalihukan sa suspetsado.Samtang giangkon ni Cardona nga gihimong transhipment point sa illegal nga droga ang dakbayan.
Siya miingon nga dakong hagit nila karon nga mabantayan nga makasulod sa dakbayan ang mga binulto nga droga nga naggikan pa sa laing lugar.
Sumala ni Cardona nga pokus usab sila sa ilang drug clearing operation ilabina nga nadugangan na ang ihap sa mga brgy nga drug cleared.
Gani, gihangyo ni Cardona ang mga opisyal nga tabangan sila sa ilang kampaniya batok illegal drugs ubos sa ilang area of responsibility tungod kay daghan usab ang ilang pokus sa ilang operasyon.
