CAGAYAN DE ORO CITY-Kasuhan sa Divisoria Police Station ang 4 ka suspected drug pushers nga ilang nasikop sa magkalahi nga anti-illegal drug buy bust operation sa syudad.
Giila ni Divisoria Police Station commander Sr/Insp Maricris Mulat ang mga dinakpan nga sila si Restine Rivera Artajo;Rey Vincent Naive nga pulos taga-Brgy 35;Jomari Bete Lusing nga taga-Brgy Kauswagan ug Jasent Villar sa Brgy Bonbon ning syudad kagabii.
Nakuha sa gikan sa mga suspek ang walo ka gitoohang shabu ingon man ang buy bust money atol sa maong operasyon.
Samtang,kusganong gipanghimakak sa mga suspek nga sila nalambigit sa pagpayuhot sa gidiling droga.
