CAGAYAN DE ORO CITY – Nasikop sa anti-drug buy bust operation sa kapolisan ang upat ka suspetsado nagbaligya ug naggamit sa ilegal nga droga diha sa Western Kolambog,Brgy Lapasan sa syudad.
Giila ni Agora Police Station commander Police Maj Julius Clark Macariola IV ang mga suspek nga sila si Michael Montes ug Van Dumpa nga nagpuyo sa maong lugar.
Napalitan sa sachet sa suspected shabu ang duha ka suspek hinungdan nadakpan.
Nasikop usab sa PNP ang laing duha ka suspek nga akto naggamit sa gitoohang shabu sulod sa crime scene.
Naila ang mga suspek nga sila si Benedict Sandoval nga taga-Brgy Gusa ug Richard Llacuna nga nagpuyo sa Brgy Gusa sa dakbayan.
Kasuhan sa pagsupak sa mga probisyon sa akta republika 9165 o Dangerous Drugs Act of 2002 sa piskalya sa syudad ugmang adlawa.
