CAGAYAN DE ORO CITY – Moabot sa 200-mil ang damyos sa pagkasunog sa upat ka mga panimalay sa Zone 10, Upper Barangay Carmen ning syudad.
Nahurot kaugdaw ang panimalay nila ni Gregorio Murillo ug Jessica Closas samtang partially damage ang panimalay nila ni Ben ug Jonathan Corpuz.
Si Fire Investigator SFO3 Samson Villarde miingon nga nagsugod ang pagdilaab sa kalayo sa kusina nga bahin sa panimalay ni Murillo.
Padayon pa nga giimbestigahan sa mga bombero ang hinungdan sa sunog.
Samtang, nasunog ang pipila ka parte sa lawas ni Gregorio Murillo human kalit midilaab ang kalayo sulod sa ilang panimalay.
Si Murillo miingon nga nakatulog siya dihang nasunog ang kusina ang bahin sa ilang balay. Blangko gihapon siya kung unsay hinungdan sa sunog.
Apan, giangkon sa 75-anyos nga daghan mga boarders nga nagpuyo sa ilang panimalay.
