CAGAYAN DE ORO CITY-Mitahan ang upat ka sakop sa rebeldeng New Peoples Army sa 8th IB Philippine Army nga nakabase sa Bukidnon.
Giila ni Lt Col Ronald Illana,commanding officer sa 8IB ang mga nagsurrender nga sila Alyas Olayan, 52; alyas Jeca, 20; alyas Balogbog, 23 ug usa kaalyas Hana, 21 anyos.
Namahayag si Illana nga pulos sakop sa SRC1 sa North Central Mindanao Command ang mga surrenderees.
Bitbit niini sa ilang pagtahan ang M-79 granade launcher, duha ka calibre 9 mm submachine gun ug usa ka calibre 357 revolver.
Gibutyag ni Lt. Col Illana nga ipaubos nila sa ECLIP o enhanced comprehensive local integration program sa AFP ang mga mitahan nga rebelde.
