CAGAYAN DE ORO CITY – Patay nang nakit-an ang upat sa lima ka menor de edad nga dungan nangalumos samtang naligo’g dagat atol sa kasaulugan sa tulo ka hari o three-kings sa Purok 1,Barangay Tambacan,Iligan City.
Giila ni Iligan City Police Office spokesperson Maj Zandrez Panulong ang mga biktima nga sila Jomar,6; Jocel,7;Junrey Sarsaba,12; Neijel Mae Marilog,6 ug Daisy Mae Doble nga bugtong missing sa hitabo.
Gibutyag ni Panulong nga giluwas sa amahan nga si Primirilo Sarsaba si Jocel kay aksyon na’g kalumos apan wala niya mabantanyi nga misunod ang upat ka igsoon niini kaniya.
Gitukmod ni Sarsaba ang mga bata padulong sa mabaw nga bahin sa dagat samtang mitigom sa kusog apan gipangbanlas na hinoon sa mga balod hinungdang nangalumos.
Gilayong gilusad ang pagpangita sa mga biktima apan pulos na patay ang upat ka biktima samtang missing si Doble.
Gidala pa sa ospital ang mga biktima apan pakyas na ang mga doktor nga masalbar ang ilang mga kinabuhi.
Gipangita pa sa mga otoridad ang missing samtang gihimo ang dugang imbestigasyon sa hitabo.
