CAGAYAN DE ORO CITY-Natangtang na ang upat sa walo ka pulis nga nag-positibo paggamit sa gidiling droga nga gikan sa nagkadaiyang lugar sa Northern Mindanao.
Kini human sunod-sunod nga gilusad ang internal cleansing batok sa mga pulis nga naggamit sa shabu sa tuig 2017.
Miingon si PNP regional spokesperson Supt Lemuel Gonda nga tulo sa mga natangtang ang gikan sa Bukidnon ug usa usab ang gikan sa Cagayan de Oro City Police Office.
Dugang ni Gonda nga kamulo usab nga gipaubos sa summary hearing ang laing upat tungod sa pag-positibo nila sa gidiling droga.
Nagdumili na si Gonda pagbulgar sa mga pangalan sa maong mga pulis kay aron daw dili madaot ang dungog sa ilang pamilya.
