Pito ka mahinungdanong sugyot – balaodnon ang pormal nga giratipikahan sa Senado sa katapusang adlaw sa sesyon sa 19th Congress.
Sa mosyon ni Senador Mike Villar, gi-aprobahan sa senado ang balaudnon sa termino sa mga opisyal sa Barangay ug Sangguniang Kabataan.
Ubos niini ang pagtakda sa upat katuig matag termino, ug nagbutang sa limitasyon sa paglingkod sa pwesto aron malikayan ang dugay nga paghawid sa katungdanan.
Ikaduha, ang implementasyon sa Accelerated Reform Right of Way Act, nga mupadali sa proseso sa pagkuha sa right of way alang sa mga imprastraktura nga proyekto, samtang gisiguro ang matarung nga bayad sa mga tag-iya sa yuta nga maapektuhan.
Ikatolo, ang Judiciary Fiscal Autonomy Act, nga naghatag sa mas dako nga financial independence sa hudikatura.
Ika-upat, ang pag-amendar sa International Revenue Code aron mahimong mas episyente ang pangolekta sa buhis.
Ikalima, ang Philippine Nuclear Safety Act, nga nagtumong sa siguridad ug regulasyon sa nuclear energy sa nasud.
Ika-unom, gipalig-on ang balaud alang sa Large-Scale Metallic Mining, nga naglakip sa striktong regulasyon sa industriya sa pagmimina. Ikapito, ang Career Progression System alang sa mga magtutudlo, nga naghatag og klarong hagdanan sa promosyon ug pagpalambo sa ilang mga abilidad.
Mipadayag sa bug-os nga pagsuporta sa maong ratipikasyon sila Senator Mark Villar ug Senate President Francis ‘Chiz’ Escudero, nga naghisgot sa importansya sa mga balaud alang sa kalambuan sa nasud.
