CAGAYAN DE ORO CITY-Gitumbok ni President Rodrigo Duterte ang upat ka mayor nga kabahin sa nagpakatag
sa ilegal nga droga sa Misamis Occidental.
Kini human nganli ni Duterte sila si Oroquieta City Mayor Jason Almonte;Sinacaban Mayor Cresenciano Mahilac;Clarin Mayor David Navarro ug Calamba Mayor Ezel Villanueva nga kabahin sa narco-politicians nga wala mohunong sa ilegal drugs operations bisan sa
kusganong pagbahad niini.
Nalakip usab sa 46 ka narco-politicians nga gigawas ni Duterte si Maguing Mayor Abinal Mulok,Marawi City Vice Mayor Arafat Alim Salic ug Maguing Vice Mayor Jamal Abinal Pangandamun nga pulos nakabase sa Lanao del Sur.
Sa pagkakaron,pulos pa wala mohatag sa mga pahayag ang maong suspected narco-politicians gikan sa pabulgar ni Duterte sa ilang mga pangalan.
Samtang dako’g ikatabang sa mga botante aron magiyahan sa ilang pagbotar ang pagkabulgar sa ngalan sa 46 ka suspected narco-
politicians sa nasud.
Kini ang gibutyag ni DILG Asst Sec for peace and order Atty Manuel Felix kabahin sa pagpalugwa na sa listahan sa mga politiko nga nalambigit sa illegal drug trade ilabina dinhi sa rehiyon.
Miingon si Felix nga miagi sa taas nga proseso ang pagkuha sa impormasyon batok sa maong mga politiko ayha nakaabot kang Duterte diin gibulgar usab niini sa publiko sa Davao City kagabii.
Nasayran nga sa nabulgar nga 46 ka narco-politicians,upat niini mga mayor gikan sa Misamis Occidental,usa gikan sa lungsod sa Maguing ug laing duha ka bise mayor nga nakabase sa Lanao del Sur.
