CAGAYAN DE ORO CITY – Patay ang upat ka gitoohang miembro sa Bangsamoro Islamic Freedom Fighters (BIFF) human sa gilusad nga opensiba sa Lanao del Sur Provincial Police Office sa Baranagya Illana Madamba, Lanao del Sur.
Gibutyag ni Police Col. Madzghani Mukaraam nga gisilbi nila ang warrant of arrest batok sa suspek nga si Geloden Moro Macalatas Ameril ug mga kauban nga mipatay sa usa ka Barangay Kapitan.
Miresulta sa sinukliay sa buhing bala ang operasyon.
Milabay ang pipila ka oras, napalgang patay ang gitoohang fighters sa BIFF duol sa encounter site.
Narekober sa mga operatiba sa mga napatay ang duha ka M16 rifle, usa ka baby armalite ug M203 grenade launcher.
Gireport ni Col. Mukaram nga walo ka pulis ang samaron human sa duguong insidente.
