CAGAYAN DE ORO CITY – Napun-an ang ihap sa ‘drowning casualties’ gikan sa Misamis Oriental ning bulana.
Kini human laing 8 anyos nga bata ang nalumos-patay nga igo lang naligo sa suba sa Brgy 24,Gingoog City ning lalawigan.
Subay sa pasiunang impormasyon, pananghaid sa biktima nga maligo lang sa ‘poso’ kuyog sa 6 anyos nga igsoon niini.
Apan nakurat ang ginikanan sa magsoon kay nangandto sila sa suba ug didto nangaligo.
Gilayong milusad sa pagpangita ang rescue teams sa Gingoog City -CDRRMD aron luwason ang bata apan pakyas na kining naluwas pa.
Kini tungod kay dead on arrival na nga nasulod sa ospital aron unta masalbar.
Dumduman nga kini ang ikaupat nga casualty sa Misamis Oriental kay una nang tulo ka inahan nga pulos taga-Balingasag kay gipang-anod sa tubig-baha samtang mitabok sa spillway nga naghaguros ang pagbaha sa miaging semana.(Photo:JAbao)
