CAGAYAN DE ORO CITY – Masaligon ang militar nga mihuyang na ang grupo Guerilla Front Committee 4A o GF4A sa North Central Mindanao Regional Committee.
Kini human mapatay sa engkwentro ang upat ka tag-as nga lideres niini.
Maoy napatay sa operating teams sila si Ian Dela Rama alyas “Gian” kinsa Front Secretary sa grupo,Rio Amor Yuson alyas “Lema”, finance officer sa NCMRC; PaquitoNamatidong alyas “Sangka”, Platoon Leader sa SPP Sikop sa CMRC; Peter Mansaginda Pinakilid alyas “Aloy”,Political Officer, GF4A; Gladys Joy Hiponia alyas “George”, member sa SPP Kingdom, GF4A,alyas “Santol” ug alyas “DELFIN” nga gikan sa Lamusig, Butuan City.
Gibutyag ni 402nd Brigade civic military officer Major Francisco Gallero nga ila nang gipangandaman ang balos sa walhong grupo ug padayon ang ilang pursuit operations batok sa mga nakasibat nga rebelde.
Anaa sa 15 ka NPA rebels ang napatay sa 402nd IB,Philippine Army pinaagi sa ilang 23rd IB dihang mihimo’g pagpangilkil sa maong lugar.
Samtang wala wad-a sa militar ang posibilidad nga sobra pa sa 15 ang namatay nga NPA rebels sa nahitabong engkwentro sa Kamanikan, Gingoog City, Misamis Oriental.
Kini tungod sa ilang nadawat nga report nga daghang mga rebelde ang nasamdan sa maong engkwentro ning semanaha.
Miingon si 4th ID Philippine Army spokesperson Capt. Al Anthony Pueblas nga nagpadayon sa clearing operation ang ilang tropa aron makita ang posibleng patay’ng lawas sa mga armado ug mahatagan sa disenteng lubong.
Una niini,gilubong na ang napulo ka NPA members diin upat kanila ang pulos opisyal sa kalihukan.
