CAGAYAN DE ORO CITY – Mitahan sa kapolisan ang upat ka sakop sa masa sa rebeldeng New People’s Army o NPA nga naglihok sa bukiran sa Cagayan de Oro,Bukidnon ug Lanao del Sur boundaries.
Kini human mibati na’g kakapoy ang maong sakop sa rebelde samtang naglatagaw sa bukid aron pakigbatukan ang gobierno.
Gibutyag ni Maj James Gaylan,hepe sa City Intelligence Unit nga ang maong mga nag-surender ang nagdala sa ilang mga improvised nga armas nga gilakipan sa shotgun ug kalibre 45.
Namahayag si Gaylan nga gitakda nila nga ipaubos sa E-CLIP program sa gobierno ang maong surrenderees aron mahatagan sa bag-ong paglaum nga manginabuhing normal ubos sa gawasnong katilingban.
Hisayrang sa miaging semana,mitahan usab ang usa ka NPA member sa COCPO diin personal gitambungan ni PRO-10 regional director Brig Gen Rolando Anduyan.
