CAGAYAN DE ORO CITY – Gimanduan sa piskalya nga moduso sa tag-P160-mil ka pesos nga pyansa ang upat ka online sellers alang sa temporaryong kagawasan nga nasapon nga nag-overprice sa alcohol sa JT Food Depot , Justo Ramonal St, Brgy 33 ning syudad.
Kini human nakasuhan ang mga suspek nga sila si Percy Datoy, 24-anyos; Yobryte Unabia; 24-anyos, pulos taga Barangay Carmen ning syudad; Jerome Quiachon, 32-anyos taga Barangay Macasandig; ug Daniel Casiño, 22-anyos nga taga- Barangay Tablon ning syudad.
Miingon si CIDG-Cagayan de Oro team head Capt Freddie Sorilla miingon nga tulo kaso ang ilang gipasaka sa mga suspek nga gilakipan sa RA No. 9711 ug RA 7581 kon Prohibition on the Online Selling of Essential Emergency Medical Supplies Beyond the Prices Ceiling.
Sila nadakpan pinaagi sa entrapment operation diin nakuhaan sa ilang posisyon ang 96 ka 150ml sa 90% ethyl alcohol; 111 ka plastic containers sa 100ml ethyl alcohol; 73 ka 50ml ethyl alcohol; business permit ug official receipt.
