CAGAYAN DE ORO CITY – Gi-alerto sa Office of the Civil Defense 10 ang publiko kabahin sa epekto sa presensiya sa low pressure area o LPA nga mihatag sa dakong perhisyo sa nag-unang mga rehiyon sa nasud.
Kini human kabahin sa Northern Mindanao nga wala palabya sa LPA diin nakasinati sa magpila ka adlaw nang mga pag-ulan ug mihatag sa pipila ka pagbaha sa Lanao del Norte,Misamis Oriental ug Misamis Occidental diin nag-resulta sa subli pagbakwit sa mga residente.
Gibutyag ni OCD 10 asst regional director Gilbert Conde nga hangtod sunod semana pa ang presensiya sa LPA nga dayag mohatag sa mga pag-ulan ug posibleng mga pagbaha.
Gani,anaa na sa sobra 10-mil ka pamilya ang apektado sa dautang panahon nga daghan niini gikan sa Misamis Occidental ug Lanao del Norte.
Una usab gikompirmar ni Conde nga sukad nagsugod ang mga pag-ulan dala sa LPA sa unang semana sa Enero ning tuiga,upat ka tawo ang kompirmadong patay ug laing upat ang samaron nga naggikan sa mga lungsod sa Tubod ug Baroy,Lanao del Norte.
