CAGAYAN DE ORO CITY – Gimando ni Bukidnon Provincial Police Office Director Col Reynante Reyes ang iyang tropa nga dalion ang pagsikop sa 3 ka armadong suspek nga mipatay sa upat ka tawo ug laing duha ang samaron sa Sitio Kiabacat,Brgy Songco,Lantapan,Bukidnon.
Giila ni Bukidnon Provincial Police Office spokesperson Maj Jiselle Longgakit ang mga biktima na sila Daniel Lugnasan,54;Winlove Sinto,30 anyos;Rachel Cruz,19 anyos ug Rocky Cruz,33 anyos nga pulos nga residente sa maong lugar.
Gibutyag ni Longgakit nga samaron usab si Mael Lugnasan ,30 anyos ug laing ,menor de edad atol sa maong kremin.
Samtang naila na ang mga suspek nga sila Elfredie,Dindo ug Julie Saway,pulos ang legal ang mga edad kinsa armado sa armas ug sundang nga ilang gigamit pagpatay sa mga biktima.
Pasiunang nasuta sa imbestigasyon nga pugsanon gisudlan sa mga suspek ang balay ni Mael diin natigayon ang pagpamusil ug dili pa igo,giapil pag-atake ang balay ni Daniel hinungdan sa nginglig nga kremin.
Nasayran nga bangi sa yuta ang nag-una nga motibo sa natigayong kremin samtang paspas nga nanibat sa wala matino nga direksyon ang pamilyang Saway human sa hitabo sa miaging Sabado sa gabii.
