CAGAYAN DE ORO CITY, Philippines (UPDATE) – Upat na ka tawo ang patay, ug 78 ang natala nga samaran sa paglampurnas sa Super Typhoon Yagi sa Vietnam.
Base sa report, maoy grabeng gikusu-kuso sa bagyo ang Do Son district, Hai Phong city.
Napugos ang gobyerno sa Vietnam nga ipabakwit ang mukabat 50,000 ka mga residente nga namuyo sa ilang coastal towns.
Pulos suspendido ang upat ka biyahe sa tugpahanan ug tanan lebel sa tunghaan.
Kahinumduman nga unang naglandfall ang Super Typhoon sa Pilipinas nga mikutlo sa 16 ka kinabuhi, ayha mitabok China ug mikalas sa upat ka tawo.
Dala sa bagyo ang pinakakusog nga huyop sa hangin nga muabot sa 160 kilometro matag oras duol sa sentro, ug paghaguros nga muabot sa 234 kilometro matag oras.
