CAGAYAN DE ORO CITY-Bukas ang PNP-10 nga ipaubos sila sa imbestigasyon kabahin sa sunod-sunod nga
pagka-pusili-patay sa upat ka suspected drug pushers sa Misamis Oriental ug Bukidnon.
Kini human unang milusad sa anti-illegal drug buy bust operations ang PNP batok sa mga suspek apan giingong misukol hinungdan napusilan sa magkalahing higayon.
Miingon si PNP regional spokesperson Supt Surki Serenias nga kabahin sa napatay sila si Armand Tambaloy Recamata nga taga Balingsag,Cyber Ebon nga taga-Brgy Bugo apan napusilan sa munisipyo sa Jasaan,Misamis Oriental.
Napatay usab kay misukol sa kapolisan si Reymand de la Victoria nga gikan sa Lantapan,Bukidnon.
Narekober gikan sa mga suspek ang suspected shabu,duha ka kalibre .38;45 pistol ug balor sa salapi.
Dumduman nga sa Malaybalay City,Bukidnon,napatay usab sa PNP ang usa ka negosyante kay giingong misukol sa anti-illegal drug operations sa miaging semana.
