CAGAYAN DE ORO CITY-Napatay sa puwersa sa 103rd IB,Philippine Army ang duha ka miembro sa teroristang Maute-ISIS sa Brgy Calaludan, Pagayawan, Lanao del Sur.
Kini human na-engkwentro sa militar ang 20 ka miembro sa teroristang grupo nga gipangulohan ni Benito Marohombsar alyas Abu Dar.
Sumala ni AFP Western Mindanao Command o WestMinCom spokesperson Lt Col Gerry Besana nga usa sa mga patay’ng lawas sa terorista ang narekober sa mismong encounter site.
Nagtoo ang militar nga kabahin sa ilang napatay sa operasyon sila si Abu Tahir ug Abu Jihad kinsa miembro ni sub-leader Zacaria.
Una nang gikompirmar sa militar nga duha sa ilang mga kauban ang namatay sa engkwentro samtang usa ang samaran.
Samtang gikompirmar ni Lanao del Sur Provincial Police Office Director Sr Supt Madzghani Mukaraam nga dul-ag 50 ka pamilya ang inisyal nangbakwit sa luwas nga lugar gikan sa lungsod sa Pagawayan,Lanao del Sur sugod niadtong adlaw’ng Lunes.
Kini human aron kalikayan nga maipit sa engkuwentro tali sa militar batok sa grupo ni Maute-ISIS Kumander Benito Marohomsar alyas Abu Dar.
Miingon si Mukaraam nga gialerto usab niini ang tanang police station commanders sa mga munisipyo aron masikop ang mga samaron nga sakop ni Abu Dar nga nakasibat sa military offensive gikan sa giponduhan nga lugar sa maong lungsod.
Sa miaging Pebrero ning tuiga,napatyan usab sa lima ka sakop si Abu Dar dihang nailog sa militar ang ilang kota sa Lanao del Sur.
