Patay ang upat ka miyembro sa pamilyang Lariosa ug laing duha ang angol human matabunan sa landslide ang ilang balay sa Gabule Compound, Sambulawan, Brgy. Agusan, Cagayan de Oro, tungod sa Bagyong Basyang.
Gikumpirma kini ni Nick Jabagat ang manager sa City Disaster Risk Reduction and Management Department, nga ang mga biktima mao sila Yasmeen (11 ka bulan), Yami (12 anyos), ug ang mga hamtong nga sila Paul ug Ruffa Lariosa, samtang nasamdan ang mga menor de edad nga sila Andi ug Bril. Gimandoan dayun ni Mayor Rolando Uy ang pag-atiman sa mga patayng lawas sa mga biktima.
Tungod sa kusog nga pag-ulan, gipahunong una ang mga trabaho sa tanang government offices ug suspendido ang klase sa Cagayan de Oro ug Misamis Oriental.
