(UPDATE) Misaka pa ang upat ka tawo ang patay sa pagdahili sa yuta sulod sa Gabule Compound, Sambulawan, Zone 1 Brgy Agusan, kagabie.
Unang narekober ang lawas sa magtiayong Paul ug Ruffa Lariosa, dead on the spot, ug nadala sa hospital ang laing upat nga nakalot sa rescue team sa Agusan BDRRMO ug CDRRMC.
Wala na matabang sa mga doktor ang narekober nga usa ka tuig, ug 13 anyos nga bata, human sila dead on arrival sa pag-abot sa hospital, samtang anaa sa kritikal nga kahimtang ang laing duha.
Gikompirmar usab ni Agusan Brgy Chairman Andrew Mellisa nga gi-abisohan kining nasampit nga pamilya nga mamakwit tungod kay natumbok nga landslide prone area ang ilang natukuran sa puy-anan.
Sa pagkakaron, anaa sa siyam ka pamilya ang nagpasilong sa ilang gymnasium nga gilangkoban sa 118 ka indibidwal
