CAGAYAN DE ORO CITY – Mag-atubang sa kasong kriminal ang RTMI bus driver kon walay makab-ot nga kasabutan ngadto sa mga pamilya sa upat ka tawo nga namatay sa bangga sa national highway, Purok-10, Brgy Puntian, Quezon, Bukidnon.
Kini bisan kon mismo ang motorsiklo nga gisakyan sa mga biktima ang mikawat sa lane sa bus hinungdang sa dugu-ong aksidente sa miaging gabii.
Giila ni Police Regional Office 10 spokesperson Police Maj. Joann Navarro ang mga namatay nga sila Jossie Ondoy, Florida Macolata, Vecinte Alo ug Junriel Mendoza nga managsama nagpuyo sa sa Brgy Cebole, Quezon.
Samtang ang detinado nga driver mao usab si Christopher Sellar, 41 anyos, minyo nga taga- Poblacion sa mao gihapon nga lungsod.
Hisayrang gidala pa sa ospital ang mga biktima apan wala na maluwas sa mga doktor.
