CAGAYAN DE ORO CITY – Naka-kustodiya sa kapolisan ang drayber sa prime mover truck nga kargado sa container van nga maoy hinungdan sa kamatayon sa 4 ka tawo ug pagkaangol sa laing sobra 20 pa sa national road,Brgy Dableson,Sultan Naga Dimaporo,Lanao del Norte.
Giila ni SND Police Station commander Police Capt.Cristian Patayon ang mga namatay nga sila Rosita Becoy,60;Robinson Canoos,27;Samuel Ceniza,50 ug Jussin Canoos,10 anyos nga pulos nagpuyo sa Brgy Calipapa sa maong lungsod.
Gibutyag ni Patayon nga gikan sa lungsod sa Kapagatan ang truck nga gimaneho ni Felipe Abalos nga taga-Cebu San Isidro,Isabela sa dihang nawad-an sa balanse hinungdan nga mitugpa ang container van sa kasugat nga drump truck nga gidrayban usab ni Rolan Balansag Umandam.
Dead on the spot ang duha sa maong mga biktima samtang nadala usab sa SND Provincial Hospital ang sobra 20 ka samaron.
Apila usab sa samaron ang drayber sa motorsiklo nga nadamal sa aksidente nga si Fahad AliliDimaampao.
Hinoon,gilayong mitahan sa kapolisan ang trailer truck driver samtang gihikay na ang kasong kriminal nga ipasaka sa piskalya batok kaniya.
