Upat ka mga pulis ang nakadawat sa Medalya ng Kadakilaan sa gilusad nga awarding ceremony sa Camp 1Lt Vicente G. Alagar, Bgry. Lapasan, ning syudad.
Gipanguluhan ni PRO-10 PBGen Joselito L. Clarito, Deputy Regional Director for Administration ang pagtunol sa mga medalya nila:
- PCMS Nestor G. Ortiz, Jr. sa Iligan CPO, nga nakadakop og High Value Individual sa buy-bust operation nga may 395.93 gramos nga shabu nga nagkantidad og ₱2.72 milyon.
- Patrolman Meljohn D. Preglo sa Quezon MPS, Bukidnon – gipasidunggan sa pagdakop sa Top 1 Most Wanted Person sa rehiyon alang sa tulo ka kaso sa Qualified Rape.
- PMSg Michael Bryan Lauron sa Malaybalay CPS, Bukidnon – gidayeg sa iyang papel isip Investigator-on-Case sa multiple murder incident sa Barangay Managok.
- PMSg Denver Teruel Cejas sa Lantapan MPS, Bukidnon, gipasidunggan sa iyang imbestigasyon sa shooting incident nga nagresulta sa kasong Murder, Election Code violation, ug RA 10591 violation batok sa akusado.
Silang upat gipasidunggan sa ilang gipakita nga kaisog ug kahusayan sa ilang serbisyo.
