CAGAYAN DE ORO CITY – Gipaubos sa ‘hard lockdown’ ang upat ka purok sa usa ka brgy nga sakop sa lungsod sa Kauswagan,Lanao del Norte epektibo ning semanaha.
Kini dihang nahukman ni Kauswagan Mayor Rommel Arnado paghatag sa health security sa katawhan sa purok 3,4,5 ug 6 Brgy Delabayan batok sa coronavirus disease.
Gibutyag ni Lanao del Norte provincial govt spokesperson Lyndon Calica nga nakatala sila sa unom ka locally stranded individuals nga gikan sa kauluhan ug Cebu City diin positibo sa gihimong rapid diagnostic test.
Tungod niini,gidid-an ang anaa halos 300 ka pamilya nga makagawas-gawas samtang suplayan sila sa ilang panginahanglan sulod sa 14 ka adlaw sa kagamhanan.
