CAGAYAN DE ORO CITY-Luwas na ang upat ka sakop sa pamilya nga naangol sa pagka-disgrasya samtang mihimo’g carnival ride sa Diyandi Fiesta Park sa Brgy Saray,Iligan City.
Kini human nahulog ang mga biktima samtang sakay kiddie ride nga gilakipan nila ni Brgy Kag Lemuel Dalaygon ingon man ang iyang kapikas nga si Alia ug ang duha nila ka anak nga menor de edad.
Gikan sa lungsod sa Initao ning lalawigan ang mga biktima ug tuyo lamang maglingaw-lingaw sa Iligan City dihang nahitabo ang aksidente.
Hinoon,luwas na ang mga biktima samtang gitubag sa tag-iya sa carnival nga si Jeiralyn Rosales ang obligasyon sa ospital ug ubang galastuhan sa hitabo.
Nasayran nga daghang tawo ang midagsa sa Iligan City samtang nagkaduol ang kapistahan sa ilang patron Sr San Miguel Arkanghel sa Setyembre 29 ning tuiga.
