CAGAYAN DE ORO CITY-Naangol ang upat ka tawo nga gilakipan sa tulo ka pulis ug usa ka sibilyan sa pagbangga sa taxi ug police patrol nga iya sa Cugman Police Station 9 diha sa Brgy Lumbia ning syudad.
Kini human nawad-an sa kontrol ang taxi nga gimaneho ni Edwin Amorio nga taga-Macahambus,Brgy Bayanga rason nga gisungag niini ang police patrol.
Giila ni PO2 Jerymae Valmores,imbestigador sa Lumbia Police Station nga pabalik na sa sentro sa syudad ang police patrol gikan naghatod sa piniriso dihang nabanggan sa taxi.
Kabahin sa mga samaron si Amorio,PO2 Tagapulot,PO2 Baldevino ug laing usa nga wala manganli ni Valmores.
Kasuhan sa reckless imprudence resulting to physical injury ug damage to property si Amorio sa piskalya sunod semana.
