CAGAYAN DE ORO CITY-Mag-atubang sa kasong illegal possession of firearms, gawas pa sa paglapas sa Dangerous Drugs Act of 2002 o mas nailang RA 9165 ang upat ka lalaki nga nasikop sa Lurugan, syudad sa Valencia, Bukidnon.
Maoy nadakpan sa City Drug Enforcement Unit sa Valencia City Police Station kauban ang Division Reconnaissance Company sa Philippine Army pinasikad sa usa ka search warrant sila Richard Abesta, Joseph Estorgio, Adonis Manangkila ug Ronnel Daugan nga pulos residente sa dapit.
Nakompiskar sa grupo ang upat ka pakete sa gitoohang shabu, mga drug paraphernalia, unom ka celpon, 3 ka armas ug mga bala.
Una niini, kapin usa ka bulan nga gibantayan sa mga otoridad ang lihok sa mga dinakpan.
