CAGAYAN DE ORO CITY- Nagdumili ang Joint Task Force Marawi nga ipalugwa sa publiko ang identity sa upat ka bag-ong survivors nga naluwas sa Philippine Coast Guard ug PNP Martime Group sa Lake Lanao,Marawi City.
Namahayag si Army Capt Joan Petinglay, tigpamaba sa Joint Task Force Marawi nga unang naluwas ang upat ka biktima nga naglangoy sa maong suba diin nangapay ug tabang sa mga otoridad.
Gipamugos sa upat ka survivors nga nakaluwas sila sa mga kamot sa Maute-ISIS terror group pinaagi sa pagtagu-tago.
Gipaalim una ang upat sa Amay Pakpak Medical Center ug gitakdang ipa-ubos sa psycho- social processing sukad naluwas sa miaging adlaw.
Samtang gipalig-on sa upat ka bag-ong survivors nga duna pa’y civilian hostages nga gihuptan ang Maute-ISIS terror group.
Gibana-bana sa maong survivors nga nakuha nila ang nasampit nga ihap human nasaksihan ang pagbalhin-balhin sa kampo sa mga terorista uban sa ilang mga bihag.
Samtang gibutyag Petinglay nga kini ang rason nga maglisod sila sa pag-atake sa tungod kay gamiton sa mga terorista isip ”human shield” ang ilang mga bihag.
Una niini, mismo si Pres Rodrigo Duterte ang mipakalma sa sugyot sa AFP nga direct assault tungod sa kahimtang sa
civilian hostages.
Sa pagkakaron,misaka pa sa 539 ang ihap sa mga napatay sa sakop sa Maute-ISIS members, 122 patay sa
govt forces ug pabiling 45 sa mga sibilyan.
