CAGAYAN DE ORO CITY – Mo-depensa sa ilang tagsa-tagsa ka kaugalingon ang upat ka suspected drug pushers sa korte nga unang mga dinakpan sa buy bust operation sa mga sakop sa Philippine Drug Enforcement Agency 10 sa Brgy Tambacan,Iligan City,Lanao del Norte.
Kini human milampos ang operasyon sa pag-abag sa mga sakop sa Iligan City Police Office partikolar sa ilang station 4 sa pagsignit sa mga dinakpan sulod sa suspected drug den sa lugar.
Gibutyag ni PDEA 10 regional director Atty Benjamin Gaspi nga kabahin sa nadakpan sa hiniusang operasyon sila alyas Clyde,33 anyos;Alyas Allinor,35 anyos; Alyas Myrna,46 anyos ug Alyas Mac-Mac,47 anyos nga pulos anaa sulod sa drug den atol sa operasyon.
Nakuha gikan sa mga dinakapn ang halos 7 gramos nga gitoohang shabu nga nagbaton sa 44-mil pesos nga market value.
Kasuhan sila sa PDEA sa pagsupak sa Comprehensive Dangerous Drugs Act of 2002 nga maoy gitakda nilang depensahan sa higayon nga sila dunggon na sa makahawid nga korte.
