CAGAYAN DE ORO CITY-Gipasaka na ang kasong paggamit sa marijuana batok sa upat ka skateboarders nga naggikan pa sa Iligan City ug Cebu City.Gibutyag i C/Insp Evan Viñas,hepe sa Cugman Police Station nga nasanta nila ang mga suspek sa gipahigayong checkpoint sa Brgy Tablon ning syudad sa milabay’ng gabii.
Giila ang mga dinakpan nga sila Janrey Boniao, Jaigg Kaico Dalumpines ug Ryan Mueco nga pulos taga Iligan City ug usa ka Kurt Louie Kong nga molopyo sa Cebu City.
Nakuha sa posisyon sa mga dinakpan ang 500 gramos nga linukot nga layang dahon sa marijuana nga bana-banang balor P8-mil.
Una niini, nagduda si Viñas sa baho ug aso sulod sa van nga gisakyan sa upat atol sa pagpa-abli sa bintana niini.
Hinoon, gi-angkon sa mga suspek nga migamit sila mariajuana.
Ang mga suspek kasamtangang detenado sa Cugman Police Station mini-cell.
