CAGAYAN DE ORO CITY-Samaran ang upat ka sundalo human mabuthan sa anti-personnel mine sa Sitio Tubigon, Barangay Busdi, Malaybalay City Bukidnon.
Nagtoo si Col. Edgardo de Leon,commander sa 4th ID’s 403rd Infantry Brigade nga gitanom sa mga sakop sa militia ng bayan ang anti-personnel mine.
Nabuthan ang mga sundalo nga sakop sa 8th Infantry Batallion samtang nagpatrolya sa maong lugar.
Gibutyag ni De Leon nga gipamatud-an lang sa mga rebeldeng NPA ang ilang pagka-terorista tungod sa ilang paggamit sa anti-personnel mine nga una nang gidili nga gamiton sa giyera.
Samtang giangkon sa rebeldeng NPA nga sila ang nagtanom sa anti-personnel mine nga gikaangol sa upat ka mga sundalo sa Sitio Tubigon, Barangay Busdi, Malaybalay City Bukidnon.
Sumala ni Ka Malem Mabini,tigpamaba sa CPP-NPA’s North Central Mindanao Sub-Regional Committee nga ila kining gihimo aron ipabati sa gobyerno nga dili pa huyang ang grupo.
Gani, gipasigarbo niini nga daghan pa ang mga bag-o nilang na-recruit nga gusto moapil sa ilang kalihukan.
Gibutyag usab ni Ka Malem nga dili sila molampos ang ilang pagpangatake sa mga sundalo kung wala ang suporta sa masa.
