CAGAYAN DE ORO CITY-Gisikop ang upat ka suspected members sa New Peoples Army o NPA human gisilbi ang duha ka search warrants sa balay nga nagsilbing hideout nila sa Barangay Looc, Villanueva, Misamis Oriental.
Namahayag si Police Insp Princess Joy Velarde,tigpamaba sa Misamis Oriental Provincial Police Office nga gisikop sila Marivic Coleta, Mylen Coleta, Gerald Basahon ug Jerry Basahon kay nakuhaan sa 45 nga armas,landmine ug mga dokumento gikan sa CPP-NPA.
Unang gimando sa korte sa CIDG-10,NICA-10 ug AFP nga sudlon ang nagsilbing hideout sa mga suspek tungod sa paghupot sa maong mga kabtangan.
Nasuta sa mga otoridad nga naghupot sa lain-laing posisyon sa rebeldeng kalihukan ang mga suspek rason dungan gilusob kagabii.Kasuhan sa CIDG ang mga suspek pagbaton sa ilegal nga armas ug eksplosibo sa piskalya ning semanaha.
Samtang gihimakak sa Kilusang Magbubukid ng Pilipinas-Northern Mindanao o KMP-Northern Mindanao nga sakop sa rebeldeng New People’s Army o NPA ang upat ka tawo nga gisikop sa militar ug kapolisan sa Villanueva,Misamis Oriental
.Gibutyag ni KMP-Northern Mindanao spokesperson Michael Pineda nga ordinaryong mga trabahante nila sa Misamis Oriental Farmers Association o MOFA ang gidangdakop sa mga otoridad kagabii.
Namugos si Pineda nga dili mga rebelde sila si Marivic Coleta, Mylen Coleta, Gerald Basahon ug Jerry Basahon detinado sa CIDG-10 headquarters sukwahi sa gipasiatab sa gobierno.
