CAGAYAN DE ORO CITY – Nag-atubang sa kasong pagsupak sa Comprehensive Dangerous Drugs Act of 2002 ang upat ka suspected drug pushers nga ilang nabunlot sulod sa suyupana’g ilegal nga droga sa Brgy Lapasan ning syudad.
Miingon si Philippine Drug Enforcement Agency 10 Director Benjamin Gaspi nga napasayon ang paglusob nila sa ‘drug den’ tungod sa koordinasyon nila sa Agora Police Station ubos sa Cagayan de Oro City Police Office o COCPO rason nga nadakpan ang mga suspek nga sila alyas Ivan kinsa maoy nagpadagan sa ‘drug den’ ingon man ang mga bisita nga sila Sendo;alyas Ric ug alyas Fredo.
Nabawi sa mga operatiba ang 6 gramos nga gitoohang shabu ug ubang paraphernalia sa ilang ilegal nga kalihukan.
Detinado na sa mini-cell ang mga suspek samtang naghulat sa mando sa korte nga isulod na sa regular jail sa Brgy Lumbia ning syudad.
