CAGAYAN DE ORO CITY – Nadakpan sa mga operatiba sa Philippine Drug Enforcement Agency ug Philippine National Police ang upat ka suspected drug pushers sulod sa nabungkag nga gitoohang drug den sa Barangay Saray, Iligan City.
Miingon si PDEA 10 regional director Atty. Benjamin Gaspi nga inisyal giila ang mga dinakpan nga sila alyases Glad,babaye,46 anyos ingon man sila Bry-Bry, 30 anyos;Jan,30 anyos ug Ar-Ar,46 anyos nga pulos nagpuyo sa maong dakbayan.
Nabawi gikan sa mga dinakpan ang sais gramos nga gitoohang shabu nga dunay estimated street value nga halos 49-mil pesos.
Mag-atubang sa kasong pagsupak sa Dangerous Drugs Act of 2002 ang mga dinakpan sa piskalya sa Iligan City karong adlawa.
