CAGAYAN DE ORO CITY – Nadakpan sa PDEA-Northern Mindanao operatives ang upat ka suspected illegal drug pushers ug users sa gilusad nga operasyon sulod sa gitoohang drug den sa Purok 1,Barangay Pualas,Don Carlos,Bukidnon.
Namahayag si PDEA 10 regional director Atty. Benjamin Gaspi nga kuyog nila sa maong operasyon ang kapolisan aron paspas madakpan ang suspected target personalities sa lugar.
Giila ni Gaspi ang mga dinakpan sa alyases nga sila Gel,57 anyos;Glen,34 anyos;Kim,25 anyos ug Cres,59 anyos nga nagpuyo sa managlahing lungsod sa Bukidnon.
Nabawi gikan sa mga dinakpan ang 11 gramos sa gitoohang shabu nga kantidad halos 75-mil pesos.
Kasuhan sa pagsupak sa Dangerous Drugs Act of 2002 ang upat ka suspected drug pushers nga detinado sa mini-cell sa PDEA-Bukidnon.
