CAGAYAN DE ORO CITY-Gikonsiderar sa upat sa 18 ka panday nga hikog ang ilang gihimo nga paglukso sa grabe ka sulog nga Agus River sa Brgy Lilod,Marawi City,Lanao del Sur.
Kini human napugos sa pag-eskapo ang maong mga trabahante tungod sa pag-ransak sa pinuy-anan nga ilang gitaguan sa teroristang Maute sa maong syudad.
Gibutyag ni Rolly Saropio nga taga-Libertad,Misamis Oriental nga bugtong mga kawayan lamang ang ilang gigamit pagtabok sa pikas bahin sa suba aron maka-eskapo gikan sa mga nagpangita kanila nga mga terorista.
Naka-eskapo usab ang kauban ni Saropio nga sila si Emerio Ruiz;Arnold Saropio ug Apolinario Calungsod nga pulos taga-Mindanao.
Una usab niini,gibutyag ni ARMM Assemblyman Zia Alonto Adiong nga dili angay tawagon nga mga biktima ang maong mga sibilyan apan survivors tungod sa ilang dili ordinaryo nga kasinatian.
