Upat ka mga social media personality ang gilaras pagpasaka’g cyber libel sa National Bureau of Investigation.
Nasumiter na ang ilang reklamo sa Department of Justice (DOJ) ug ulahing napasakahan mao ang vlogger na si Jack Argota.
Si Argota nag-atubang sa kasong cyber libel ug unlawful publication tungod sa iyang pagpakatag peke nga medical record ni Presidente Bongbong Marcos.
Susamang kaso usab ang napasaka ni tv host Jay Sonsa ug komentarista nga si Ka Eric Celis.
Sa pikas bahin, gisikop sa Criminal Investigation and Detection Group (CIDG) National Capital Region Unit ang vlogger nga si Norman Mangusin o mas nailhan sa ngalan nga Francis Leo Marcos.
Gikompirmar ni National Police Commission (NAPOLCOM) Commissioner Atty. Rafael Vicente Calinisan ang pagsikop kang Mangusin sulod sa usa ka hotel sa Parañaque City pinaagi sa warrant of arrest gikan sa RTC Branch 294 sa Parañaque.
Kasamtangan siyang gikustodiya sa CIDG NCR ug gilauman nga bisitahon ni Calinisan Mahinumdumang si Mangusin nakalapas sa Article 179 sa Revised Penal Code of the Philippines tungod sa dili otorisadong pagsul-ob sa uniporme sa pulis.
