Gipanguluhan ni Governor Mamintal “Bombit” Alonto Adiong Jr., sa seremonyas sa pag-turn over sa mga land ambulance units ngadto sa 39 ka munisipyo ug usa ka siyudad sa Lanao del Sur.
Ang kalihukan nga gihimo sulod sa sa 103rd Brigade, Kampo Ranao, kundiin, ang kalihukan sinaksihan sa mga representante sa Office of the President, Department of Budget and Management (DBM), ug Department of Health (DOH).
Kini nga kalihukan maoy tipik sa programa sa Health Facilities Enhancement Program (HFEP) sa nasudnong gobyerno.
Lakip sa mitambong sa aktibidad sila DOH Secretary Teodoro J. Herbosa, DBM Secretary Amenah F. Pangandaman, ug DepEd Secretary Sonny Angara.
Sa iyang mensahe, namahayag si Governor Adiong kung unsa ka bilinhon ang ilang nadawat nga ambulansya ilabe sa pagsuporta sa mga katawhan pinaagi sa sayon nga pag-access health facilities ug patient referral sa ilang probinsya.
