CAGAYAN DE ORO CITY – Nadakpan sa mga operatiba sa El Salvador City Police Station ang 40-anyos nga ginang human masapon nga namaligya’g druga diha sa may Zone 8, Sto.Niño Poblacion El Salvador City.
Giila ni El Salvador City Police Station chief of police Lt Col Randy Anito ang suspek nga si Maricyl Moso, minyo, kanhi empleyado sa Blueview Resort ug anaa sa ilang drug watchlist.
Si Anito miingon nga narekober nila sa posisyon sa suspek ang duha ka dagkong sachet sa shabu ug mga drug paraphernalias. Nagtoo si Anito nga naggikan sa Opol, Misamis Oriental ang drug supplier sa suspek.
