CAGAYAN DE ORO CITY – Gilamoy sa dakong sunog ang daghang pinuy-anan diha sa Zone 3,Max Suniel,Brgy Carmen sa syudad kaganihang kadlawon.
Kini human unang gika-report nga nagsumikad ang pag-ulbo sa kalayo sa semi-concrete nga balay sa pamilyang Cabañeros ug paspas nga mikaylap sa mga katupad nga silingan niini.
Gibutyag ni Binonoan Creek,Zone 3 Leader Percy Bagatsulon nga anaa sa 40 ka balay ang totally damaged diin gi-okupahan sa 82 ka pamilya o 292 ka indibidwal sa maong lugar.
Hinoon,walay natala ang dunay residente nga nasamdan o namatay atol sa hitabo.
Paspas usab gipahihok ni Carmen Brgy Kapitana Lorna Uy ang iyang mga ginsakupan aron maatiman ang mga biktima sa trahedya.
Gisuta pa sa Bureau of Fire Protection kon unsa ang hinungdan sa sunog nga mitala sa initial structural damage nga 12 milyon pesos.
