CAGAYAN DE ORO CITY – Hataga’g amnestiya sa Cagayan de Oro Water District ang mga kanhi konsumante nga dugay nang naputlan sa tubig kay adunay dagko nga bayrunon.
Miingon si interim COWD General Manager Fermin Jarales nga paagi kini aron makakuha’g dugang kinitaan ang ilang ahensya nga nag-atubang sa dakong krisis sa panalapi.
Miingon si Jarales nga anaa sa sobra 40-mil ka koneksyon ang wala makabayad sa dugay nang panahon.
Siya miingon kon mapabalik ang aktibong linya sa panubig sa maong mga konsumante,anaa usab sa 600 million pesos ang madugang sa kinitaan sa buhatan.
Hisayrang gilugwayan sa Local Water Utilities Adminsitration o LWUA ang termino sa interim board of directors aron sulbaron ang dakong suliran sa panubig ug panalapi sa COWD.
