CAGAYAN DE ORO CITY, Philippines – Dili muminos sa kwarenta ka tawo ang patay ug kapin 30 ang samaran sa pagkasunog sa barko sa Amihanang Haiti.
Segun sa tigpamaba sa International Organization for Migration (IOM), pulos nga migrante ang sakay sa barko ug duha ka adlaw nang nagbiyahe sa kadagatan.
Gikompirmar sa Haitian National Office for Migration, ang report nga dunay 80 katawo nga mibiya gikan sa pantalan sa Labadee paingon sa Turks ug Caicos Islands.
Landing sa hospital ang 41 ka mga survivors human sila na-rescue sa Haitian Coast Guard nga nagsalom-salom sa lawod.
Basi sa data sa IOM, kapin sa 86,000 ka mga migrante ang pinugos nga gipabalik sa Haiti sa mga silingang nasud karong tuiga.
