Gisupak ni Cagayan de Oro City Councilor Roger Abaday ang giplanohang 40 porsiyento nga usbaw sa bayronon sa tubig sa Cagayan de Oro Water District sugod karong Oktubre tungod sa sige gihapon nga kakulang sa supply ug bati nga serbisyo sa buhatan ngadto sa mga konsumador.
Matud pa sa konsehal, dili angay ug patas nga padak-an ang pletehan sa tubig samtang nag-antos pa ang kadaghanan sa low pressure, gawas nga lubog ug dili abot sa 24 oras ang agay sa pipila ka giilang critical barangays.
Gitudlo usab ni Abaday nga tulo ra ka barangay gikan sa 80 ka mga lokalidad sa dakbayan ang gipahigayonan sa maong komsultasyon, hinungdan nga walay klarong pag-uyon ang kadaghanan sa mga residente.
Bisan pa man og LWUA ug NWRB ang may hurisdiksyon sa pag-aproba sa maong usbaw, giinmbitar sa konseho ang ilang police power aron mupadayag og opisyal nga petisyon ug resolusyon nga ipapundo una ang maong plano.
