CAGAYAN DE ORO CITY-Pabiling wala pa tugti makabalik ang 40 ka pamilya o 200 ka residente sa ilang mga pinuy-anan sa Sitio Malansagay,Brgy Minalwang,Claveria,Misamis Oriental.
Kini human sila gipahikling aron dili maipit sa sinukliay sa mga bala tali sa militar ug rebeldeng New People’s Army o NPA sa maong lugar sukad miaging semana.
Miingon si PDRRMO head Fernando Dy Jr nga gilayong giporma ni Gov Bambi Emano ang local crisis management group aron mosuta sa kahimtang sa mga bakwit sa maong lungsod.
Gipahimutang ang mga bakwit sa tulo ka lawak-saringan samtang dungan gi-ayudahan sa pagkaon sa PSWD ug buhatan ni Claveria Mayor Miraluna Abrogar hangtod ning panahona.
Patay sa engkuwentro sa duha ka panig ang usa ka NPA member nga giingong gipalubong na lamang subay sa kagustuhan sa mga lumad sa maong lugar.
