CAGAYAN DE ORO CITY (update) – Miabot sa kwarenta ka mga wanted person ang nadakpan sa mga kapulisan sa Police Regional Office (PRO-10) sulod lamang sa usa ka adlaw.
Kini ang gikumpirmar sa bag-ong milingkod nga PNP Regional Deputy Director for Operations, Sr Supt Gerardo Rosales, sa pakighinabi sa Bombo Radyo CDO.
Matud niya, prayoridad sa iyang pagpungko isip hepe sa PRO-10 ang pagdakop sa tanan mga suspek nga daan nang may standing warrants of arrest gikan sa korte.
Lakip sa nasikop ang nalambigit sa kasong pagpatay, lugos, tulis ug pagsupak sa RA 9165.
Una niini, giila ni Rosales nga nagmalampuson ang ilang bag-uhay pa nga gilusad nga One Time Bigtime operation, niadtong adlaw’ng Martes sa tibook Northern Mindanao.
