CAGAYAN DE ORO CITY – Hinay-hinay nang namalik sa ilang mga puy-anan ang tipik sa sobra 400 ka pamilya nga apektado usab sa pagbaha sa lungsod sa Tagoloan,Misamis Oriental.
Kini human kabahin ang maong lungsod nga naapil sa pag-igo sa tubig-baha gikan sa bukirang bahin sa Manolo Fortich ug Malitbog,Bukidnon sa adlaw’ng Domingo.
Miingon si Misamis Oriental PDRRMO chief Fernand Dy Jr nga gilayong nakahatag na usab sa pasiunang tabang ang buhatan ni Provincial Gov.Peter Unabia aron mapun-an ang mga ayuda nga natunol na sa magsoong Tagoloan Mayor Nadya Emano Elipe ug 2nd District Cong.Bambi Emano gumikan sa maong kalamidad.
Hinoon,walay kompirmadong tawo nga nakalas o naangol apan may balay nga naanod sa maong hitabo.
Hisayrang mismo ang magsoong mayor ug kongresista ang nag-hulat sa usa sa mga covered court sa lungsod aron personal masuta ang kahimtang sa mga bakwit gumikan sa kalamdiad.
