CAGAYAN DE ORO CITY – Gihimuan pa’g imbestigasyon sa Philippine Coast Guard Cagayan de Oro Station ang giingong pagka-buslot sa porsyon sa passenger vessel nga iya sa COKALIONG SHIPPING COMPANY.
Kini human nakabalik sa agi ang maong barko sakay ang sobra 400 ka pasahero nga padulong unta sa Cebu City gikan sa Macabalan Port ning syudad kay kalit mitakilid samtang anaa sa lawod kagabii.
Pagsaysay ni Jojo Buron kinsa dunay anak nga nakasakay sa maong barko nga nabuslot kini hinungdang hinay-hinay nasudlan sa tubig-dagat ug naghatag kalisang sa mga pasahero.
Gilayong mi-responde usab ang mga personahe sa PCG-Cagayan de Oro aron makabalik sa pantalan ang barko dihang nagka-aberya sa lawod nga bahin sa Macabalan-Camiguin Bay.
Hinoon,wala maunsa ang mga pasahero samtang nagka-problema ang barko sa ilang biyahe kagabii.
