CAGAYAN DE ORO CITY – Kumpletong nakabalik ang 400 ka pulis sa Police Regional Office 10 gikan sa ilang pagsilbing special electoral board members ug security forces sa kalungsuran sa Lanao del Sur.
Kini human nakadawat na sila’g kamanduan gikan sa Kampo Alagar nga mobalik na sa ilang tagsa-tagsa ka unit diin sila gikan ayha gipadala sa Lanao del Sur aron mohatag sa dugang kalig-on sa puwersa sa estado sa gihimong May 12 elections.
Mismo si Lanao del Sur Police Provincial Office Director Col. Robert Daculan ang nangulo sa send-off ceremony sa PRO 10 troopers sa municipal compound,Brgy Bubo,Piagapo,Lanao del Sur pabalik dinhi sa syudad.
Nagpasalamat si Daculan sa gipahulam nga tropa ni PRO 10 regional director Brig Gen Jaysen De Guzman aron makahatag sa dugang puwersa pagmintinar sa kahusay’g kalinaw sa probinsya mismo sa piliay.
Dumduman nga daan nang nanugon si De Guzman nga kinahanglang magma-ampingon usab ang iyang mga pulis samtang mohatag sa pagbantay sa eleksyon sa maong lugar.
Anaa sa 396 ka Police Non-Commissioned Officers,2 ka Police Commissioned Officers ug Special Investigation Handler ang naglangkob sa PRO 10 contigent nga gipadala sa Lanao del Sur.
Hisayrang sa bag-uhay nga 2025 midterm elections,kini pa nga piliay nga walay mga lugar nga nagka-failure of elections.
